ऑक्टोबर महिन्यात शेअर बाजारात घसरण दिसून आली, ते पाहून शेअर बाजारात पुन्हा एकदा इतक्या लवकर तेजी दिसून येईल असा विश्वास गुंतवणूकदारांना वाटत नव्हता. मात्र गुंतवणूकदार आणि शेअर मार्केट तज्ज्ञांचा अंदाज चुकवत शेअर बाजारानं जोरदार उसळी घेतल्याचं पाहायला मिळालं.
शेअर मार्केटच्या आकड्यांनी नवा विक्रम केला आहे. नियोजित वेळेनुसार मुहूर्ताच्या ट्रेडिंगवर बाजार ओपन झाला, तेव्हा सेन्सेक्स आणि निफ्टी दोन्हीमध्ये देखील तेजी दिसून आली.
सेन्सेक्स 435 अंकांच्या तेजीसह 79,823 वर पोहोचला. तर निफ्टीमध्ये 111अंकांची वाढ झाली. 111अंकांच्या वाढीसह निफ्टी 24,316 वर पोहोचली. एक तासांच्या मुहूर्त ट्रेडिंगनंतर जेव्हा बाजार बंद झाला तेव्हा निफ्टी आणि सेन्सेक्स दोन्हीमध्ये देखील तेजी पाहायला मिळाली. सेन्सेक्स 335 अंकांनी वाढून 79724 वर पोहोचला. तर निफ्टी 94 अंकांनी वाढून 24299 वर पोहोचली. शेअर मार्केटमध्ये आलेल्या या तेजीमुळे बीएसई मार्केटचं कॅपीटल 4 लाख कोटी रुपयांनी वाढलं. याचाच अर्थ गुंतवणूकदारांनी अवघ्या एका तासात चार लाख कोटी रुपयांची कमाई केली.
या शेअर्समध्ये आली तेजी
जेव्हा बाजार ओपन झाला तेव्हा महिंद्रा अॅण्ड महिंद्रा, टाटा मोटर्स, एनटीपीसी, बीईएल आणि आयशर मोटर्स या कंपन्यांच्या शेअर्समध्ये तेजी दिसून आली. या कंपन्यांचे शेअर्स सुरुवातीपासूनच टॉपवर होते. शेअर्स मार्केटमध्ये तेजी आल्यानं बीएसई मार्केटचं कॅपीटल 4 लाख कोटी रुपयांनी वाढलं. याचाच अर्थ गुंतवणूकदारांनी अवघ्या एका तासात चार लाख कोटी रुपयांची कमाई केली.
