भाविश अग्रवाल यांच्या नेतृत्वाखालील ओला इलेक्ट्रिकच्या शेअर्समध्ये शुक्रवारच्या ट्रेडिंग सत्रात मोठी घसरण झाली. दिवसाच्या व्यवहारादरम्यान स्टॉक 76.73 च्या नीचांकी आणि 80.49 च्या उच्च पातळीवर पोहोचला.
टू-व्हीलर ईव्ही कंपनी ओला इलेक्ट्रिकचे शेअर्स त्यांच्या सर्वोच्च पातळीपासून जवळपास 50 टक्क्यांनी घसरले आहेत.
ओला इलेक्ट्रिकचा शेअर ऑगस्टमध्ये लिस्ट झाला होता आणि लिस्ट झाल्यानंतर, शेअरमध्ये वाढ दिसून आली. शेअरने 157.40 ची सर्वोच्च पातळी गाठली आणि तेव्हापासून शेअरमध्ये सतत घसरण होत आहे.
ओलाचे शेअर्स का कोसळले?
बाजारातील तज्ज्ञांचे म्हणणे आहे की, ओला इलेक्ट्रिकच्या शेअरमध्ये 86 रुपयांचा मजबूत सपोर्ट तुटला आहे आणि आता पुढील लक्ष्य 75 रुपये आहे. कारण शेअरमध्ये सतत घसरण होत आहे.
तज्ञांच्या मते, ओलाचा शेअर काही दिवस त्याच्या IPO किमतीच्या 76 रुपयांच्या खाली राहिला तर संस्थात्मक गुंतवणूकदार आणि किरकोळ गुंतवणूकदारांनी केलेल्या विक्रीमुळे त्यात आणखी घसरण होऊ शकते.
तज्ज्ञ पुढे म्हणाले की, प्रत्येक स्तरावर शेअर्समध्ये विक्री होताना दिसत आहे. सततच्या कमकुवतपणामुळे गुंतवणूकदारांनी या शेअरपासून दूर राहून मजबूत फंडामेंटल्स असलेल्या कंपन्यांमध्ये गुंतवणूक करावी.
अहवालानुसार, ओला इलेक्ट्रिकने सप्टेंबरमध्ये 24,665 ई-स्कूटर्सची विक्री केली आहे. ऑगस्टमध्ये हा आकडा 27,587 होता. ओला इलेक्ट्रिकचा बाजार हिस्सा घसरण्याचे कारण म्हणजे बाजारपेठेतील वाढती स्पर्धा. मोठमोठ्या ऑटो कंपन्याही इलेक्ट्रिक टू-व्हीलर क्षेत्रात आपले पाय रोवण्याचा प्रयत्न करत आहेत.
