Share Market : देशांतर्गत शेअर बाजारात आठवड्याचा शेवट घसरणीसह झाला. या महिन्यात बाजारात सतत घसरण होत आहे आणि या आठवड्यात सेन्सेक्स-निफ्टी 2-3% ने घसरला आहे.
आज शुक्रवारी (25 ऑक्टोबर) दिवसभर व्यवसायात चढ-उतार होत होते.
मात्र, शेवटच्या तासात निर्देशांक किंचित सावरताना दिसत होते, परंतु असे असतानाही बाजार घसरणीसह बंद झाला. निफ्टी 218 अंकांनी घसरून 24,180 वर बंद झाला. सेन्सेक्स 662 अंकांनी घसरून 76,402 वर आणि निफ्टी बँक 743 अंकांनी घसरून 50,787 वर बंद झाला.
Share Market Closing
आज सर्वात मोठी घसरण बँकिंग, कंझ्युमर ड्युरेबल, वाहन, ऑइल आणि गॅस, ऊर्जा, मीडिया आणि मेटल क्षेत्राच्या शेअर्समध्ये झाली आहे. केवळ फार्मा आणि एफएनसीजी क्षेत्रातील शेअर्स वाढीसह बंद झाले. निफ्टीचा मिडकॅप निर्देशांक 1071 अंकांच्या घसरणीसह आणि स्मॉल कॅप निर्देशांक 401 अंकांच्या घसरणीसह बंद झाला.
BSE SENSEXकोणते शेअर्स वाढले?
आजच्या व्यवहारात सेन्सेक्समधील 30 शेअर्सपैकी 10 शेअर्स वाढीसह बंद झाले तर 20 शेअर्स घसरले. इंडसइंड बँकेच्या शेअर्समध्ये सर्वात मोठी घसरण दिसून आली. याशिवाय महिंद्रा अँड महिंद्रा 3.56 टक्क्यांनी, एल अँड टी 3.01 टक्क्यांनी, एनपीटीसी 2.73 टक्क्यांनी, अदानी पोर्ट्स 2.33 टक्क्यांनी, मारुती 2.14 टक्क्यांनी घसरले.
वाढत्या शेअर्समध्ये आयटीसी 2.24 टक्क्यांच्या वाढीसह, ॲक्सिस बँक 1.85 टक्क्यांच्या वाढीसह, एचयूएल 0.96 टक्क्यांच्या वाढीसह, सन फार्मा 0.53 टक्क्यांच्या वाढीसह, आयसीआयसीआय बँक 0.51 टक्क्यांच्या वाढीसह बंद झाले.
Share Market ClosingMudra Loan: मोदी सरकारने दिवाळीत उद्योजकांना दिली मोठी भेट; आता मिळणार 20 लाखांच कर्ज गुंतवणूकदारांचे 6 लाख कोटी रुपयांचे नुकसान झाले
आज शेअर बाजारात मोठ्या प्रमाणात विक्री झाल्याने गुंतवणूकदारांचे मोठे नुकसान झाले आहे. बीएसईवर शेअर्सचे मार्केट कॅप 437.76 लाख कोटी रुपयांवर बंद झाले, जे गेल्या सत्रात 444 लाख कोटी रुपयांच्या जवळ होते. म्हणजेच आजच्या सत्रात गुंतवणूकदारांचे 6 लाख कोटी रुपयांहून अधिक नुकसान झाले आहे.
मालामालशेअर बाजारात मोठी विक्री
27 सप्टेंबरपासूनच्या घसरणीनंतरची स्थिती पाहिली तर सेन्सेक्स 6500 अंकांनी तर निफ्टी 2100 अंकांनी घसरला आहे. एका महिन्यात गुंतवणूकदारांचे 40 लाख कोटी रुपयांचे नुकसान झाले आहे. 27 सप्टेंबर रोजी BSE मार्केट कॅप 4.77 लाख कोटी रुपये होते.
आज ते 4.37 लाख कोटी रुपये आहे. या कालावधीत, निफ्टी त्याच्या शिखरावरून 8 टक्के, सेन्सेक्स देखील 8 टक्के, बँक निफ्टी 7 टक्के, मिड कॅप 100 निर्देशांक 9 टक्के आणि स्मॉलकॅप 100 निर्देशांक 8 टक्के घसरला आहे.
